- 2018-03-01 12:33:38


خافوا الله بقلم احمد شحادة


قصيده بعنوان خافوا الله لشاعركم بكل تواضع احمد شحاده
🌹🍀🌹🍀ابو علي🍀🌹🍀🌹ردكم وآرائكم ضروريه جدا واتقبلها برحابة صدر مهما كانت واعملو شير
🌹🍀🌹🍀🌹🍀خافوا الله🍀🌹🍀🌹🍀🌹
خافوا الله عالعين من فتنه
                   وخلوا الحكي بالتفاهم خذ وهات
الناس ملت لا تعملوها احزاب
                   حزب زعامه وحزب العضاوات
ان جائكم فاسق فتبينوا
                   مش رد عالفيس كذب ودعايات
لاتخلوا البلد عا كف عفريت
                   وتزرعوا بين الناس عداوات
ياجماعه كثر الشد برخي
                      ديننا يسر خير ومحبات
خافوا ربنا الدين النصيحه
                   مش بالحكي وكثر المسبات
كلكم راع خافوا عالرعيه
                    لا تغرقوا بلدنا بدروب المتاهات
الحلال بين والحرام بين
                 كلام منزل سور من آيات
الدين لله والبلد للجميع
                  ارحموا بلدنامن انقسامات
كل واحد عدينو الله يعينو
                    القيامه قربت وهاي الدلالات
ناس الله هاديها بالايمان
                  وناس عايشه سكر وملذات
وناس لا دين ولا ديانه
                 بعيده عن كل الديانات
وناس هيثم وبو حافظ طربها
                هز ورقص عاستيريو بقاعات
وناس بلبس الشلح عادي
                  وين الابو ودور الامهات
لاهمهم بنت وولد شو يلبسوا
                 المهم آخر الشهر جابو معاشات
شو ذنب الرئيس باخلاق الناس
                   شو ذنب الشيوخ بلبس البنات
حتى العيب استحى وخجل منا
                    وشرش الحياء بين الناس مات
الناس ياشيخ ويا رئيس اجناس
                  من قبل ما تختلفوا عالمسؤليات
ناس بتلعب على الوجهين
                       مع وضد فتاوى وبيانات
قدام الشيخ عاملين شيوخ
                       وقدام الرئيس عهر وخطابات
وناس شغلتها فرق تسد
                    على حسابنا دوارة زعامات
الناس تحولت شيخ ورئيس
                    وناس اخذت دور الوجاهات
كل انسان واجب احترامو
                    قبل ما تعصب اقرا المعوذات
الكل بغلط والغلط مردود
                  المهم يكون بيناتنا احترامات
الصلح سيد الاحكام ياناس
                ادعوا ربنا يمحيلنا الزلات
مافي انسان معصوم من الغلط
                     انما الاعمال بالنيات
ايد بايد تانحمي بلدنا
                 نبني جيل علم وثقافات
بدل مانختلف عا هيثم ونرفعو
                  الاولى لبجروتنا نرفعلو العلامات
بلدنا كبيره بشيوخها وبالرئيس
                  باهلها وناسها وكل العائلات
يارب رجع الميه لمجاريها
                     ويكون اللي صار حلم ومنامات
وقل اعملوا فسيرىالله عملكم
                         ورسوله والمؤمنين ..ياسادات
عمرو الدم ما بصير مي
                     ربينا عالمحبه عز وكرامات
اللهم فاشهد اني قد بلغت
                      من خيكم بو علي بني شحادات
ياعين ماهل تاج على راسي
                           فداكي الروح والقلب والدمات

💖💜💛💚💛💜💛💚💙💚💛💜💗💚





تعليقات الزوار
أضف تعليق

الاسم / الاسم المستعار : *

مكان الاقامة :

عنوان التعليق : *

التعليق الكامل :